Росаби ч|унтараб

Къват|ал херлъараб
Лъалеб бак| дагьлъараб
Лъоб маг|арухълъи
Мадугьалихъ ххут|ун
Риххарал къадал,
Рилъине къваридал
Ч|едерал нухал
Г|иял гъади гьеч|о
Кьаг|рил сас гуро
Г|анк|у х|елекодал
Кир арал "макънал "
Чуязул х|и - х|иди
Х|амузул гьаг|и
Гьанже къанаг|атго
Раг|улеб буго
Бурулеб ккуй гьеч|о
Бакун ц|а гуро
Годек|ан ч|обого ,
Ганч|ал цого цо
Мун дир имсул ват|ан
Уммумузул ракь
Дуе лъугьараб щиб
Щай мун мигьлъараб
Маг|арул мац| гьеч|о
Г|урус гурони
Г|иссин лъимазцин
Лъоба бицунеб
Мун дир эбелаб ракь,
Рак| къварид буго
Къо жейги анаг|ан
Хут|ила бицен
А. Абдусаламов